Tips!
Sjå bileter frå tidligare turar.
5 dagar
Middels
15+
15900
Padleturen er i underkant av 65 km, og det vil ta oss 4 dagar å padle/3 overnattingar i telt. I tillegg til sjølve padleturen har vi lagt inn ei overnatting på Olagarden gjestehus i Tafjord i forkant av padleturen. På dag ein har vi gjennomgang av kameratreddning og kommunikasjonsrutinar før felles middag i Olagarden. Dette er med andre ord ein tur som både gir autentiske friluftskjenslar og komfort i storslått vestlandsnatur!
Fjordane vi padlar på er begge på UNESCO si verdsarvliste, grunna sin spektakulære natur- og kulturarv, og vi gleder oss til å dele vår kunnskap om regionen med dykk! Både Tafjorden og Geiranger er kjent for sitt rike dyre- og fugleliv, noko som gir turen ein solid prikk over i-en. Under padleturen overnattar vi i telt langs fjorden og lagar gode middagar i fellesskap, medan vi nyt utsikta frå skjulte perler.
PS: Vi rådar ingen å gjennomføre denne turen på eigen hand. Fjordsystemet kan vere utfordrande både med tanke på område med steinsprang, undervasstraumar og få overnattingsmogelegheiter. Ræin AS har gjennomført turen fleire gongar, og har eit godt samarbeid med grunneigarar langs fjorden.
Denne turen passar for alle over 15 år som har erfaring med kajakkpadling og klarer å gjennomføre lange dagar på vatnet. Deltakarar mellom 15 og 18 år kan berre delta saman med foreldre/føresette. Ingen krav til dokumenterte kunnskapar innan kajakk som t.d. våttkort, eller grunnkurs, men gjesten er sjølv ansvarleg for å ha grunnleggjande padleferdigheiter. Fjordsystemet vi padlar kan by på alt av vêr og vind, og dette gjer at turen kan bli alt frå “enkel” til krevjande. Sjølv om vi håper på å padle på dagtid, vil vêr og vind legge føringar for når på døgnet vi padlar. Det er derfor viktig at deltakarane er innstilt på dette. Vi padlar i snitt 15-20 km kvar dag. Skulle vêr eller vind gi for store utfordringar til at turen kan gjennomførast, vil gaiden og kontoret gjere sitt beste for å legge opp til eit alternativt opplegg. På tur vil vi lage middagar i fellesskap (på separate primusar), men gaiden vil kunne hjelpe til med eventuell handtering av brennarar. Denne turen er derfor eit godt høve til å lære seg grunnleggjande kompetanse innan sjønært friluftsliv.
På kropp
I pakkposar/vanntette posar i kajakken
Ettersom turen startar og sluttar i Tafjord vil det vere mogeleg å lagre ekstra bagasje i Olagarden under padleturen.
Vi er behjelpeleg med transport til/frå Tafjorden - Ålesund, dersom det er behov.
Guiden vil til alle tider ha gruppa sin tryggleik som førsteprioritet. Dette tyder at vêr, vind eller føre alltid vil legge føring for om turen vil kunne følgje planlagt rute eller ikkje. Skulle forhalda bli for dårleg til gjennomføring og turen blir kansellert på våre vegne, vil du som gjest ha moglegheit til å flytte turen eller full refusjon. Les gjennom våre sikkerheitsreglar og bestillingsvilkår før du bestiller tur med oss da dette er ein del av avtalen.
Velkommen til Tafjorden
Oppmøte i Olagarden i Tafjord kl. 14:00 til innsjekking og ein liten matbit. Etter innsjekking går vi ned til fjorden for å tilpasse utstyr og gjeng igjennom kameratredning/våttkortkurs. Dette kurset vil gi våttkort til deltakarar som eventuelt ikkje har dette frå før. Padleturen vi skal gjennomføre er lang, og det er viktig for oss at alt av utstyr og kajakkar er individuelt tilpassa kvar enkelt, og at alle deltakarar har kameratredning friskt i minne. Etter førebuingane blir det servert ein kortreist og energirik middag i Olagarden av vår lokale helt, medan vi nyt utsikta over Tafjorden og dei massive, omkransande fjella frå middagsbordet. Olagarden er overnattingsstaden som tek oss 100 år tilbake i tid med sin originale og velstelte atmosfære.
15-20 km | 6-7 timar aktiv padling + 1 t fottur
Etter ein god frukost i Olagarden går vi ned til fjorden og lastar kajakkane for årets eventyr! Det er ein lang padletur vi har framfor oss, så vi prøver å vere klar til å starte turen ca. kl. 10:00. Allereie etter eit par kilometer passerer vi fossen Slufsa på nært hald. Namnet til fossen har fleire historier, og tilbake til den tida Tafjord var kopla til resten av landet via ferje, var det nokre smarte arbeidarar som fann ut dette var ein god foss til å vaske dekket på ferja. Det dei ikkje tenkte på, var at trykket frå fossen vart så kraftig at propellane løfta seg over vassoverflata. Heldigvis oppdaga dei då at like til venstre for fossen var det ei lita høgde som ferja støtta seg til, og dei fekk tilkalla hjelp frå lokale fiskebåtar for å drage dei vekk frå Slufsa.
15-20 km | 6-7 timar aktiv padling | 1 time fottur
I dag som i går prøver vi å vere klar for vidare padling seinast kl. 10:00. Gruppa og vêret vil legge føringar for kor tidleg vi startar, men vi tar utgangspunkt i avreise kl. 10:00 kvar dag på fjorden. I dag vil vi forlate Tafjorden, og bevege oss inn i Norddalsfjorden og Synnylvsfjorden. Fjorden blir breiare og breiare for kvar kilometer, og frå dei mektige fjella rundt Tafjorden blir terrenget meir og meir ope. Dette er det breiaste punktet på fjorden, og her kan sjøen vere litt meir uroleg enn på resten av turen. I dag skal vi også besøke ein av våre favorittgardar: Smoge! Vi har derfor rekna med ekstra god tid denne dagen, og må tilpasse tida for padling når forholda er til rette for det. Dagens mål er Synnylvsfjorden og ein nydeleg camp, der dei færraste ferdar.
15-20 km | 5-6 timar aktiv padling
I dag er det sjølvaste Geirangerfjorden som er dagens destinasjon! Store delar av dagen vil vi bruke på Synnylvsfjorden, og få ei god utsikt over det berykta fjellpartiet Åkerneset. Synnylvsfjorden er fjordarmen som leier inn til Geirangerfjorden, og kontrastane mellom de to fjordane er store. Frå den opne og milde Synnylvsfjorden svingar vi austover og inn i hjartet av fjord-Noreg: Geirangerfjorden, der siste camp på padleturen ventar. Ca halv-vegs på dagens tur vil vi gå opp til Oaldsbygda, som på eit tidspunkt hadde 70 fastbuande. Siste familien flytta i 1953, og bygda stend no veglaus og original.
12-15 km | 3-4 timar aktiv padling | 1 time fottur
Sjarmøretappen gjennom magiske Geirangerfjorden til Geiranger står for tur i dag. Velstelte fjellgardar og verdskjende fossefall skal i dag opplevast frå kajakken. Det er noko heilt unikt å få oppleve denne delen av fjord-Norge frå ein kajakk, og vi brukar derfor god tid inn Geirangerfjorden for å ta inn alle inntrykka vi har opplevd dei siste dagane. Vi må i dag starte tidlig for å unngå den verste trafikken, og rekke fotturen opp til Skageflå. I Geiranger vil vi laste kajakkane og ta oss tid til litt sightseeing i bygda før vi kjører tilbake til Tajorden.
Vi vil være tilbake i Tafjord til seinast kl 18.00. Overnatting i Olagarden kan ordnast på forespørsel.
